काठमाडौँ । स्वास्थ्य बीमा बोर्डको सुविधा थैली बनाउन प्रा. डा. प्रदीप वैद्यको संयोजकत्वमा उच्च स्तरीय कार्यदल गठन भएको छ ।

१४ जेठमा वैद्यको संयोजकत्वमा दश सदस्यीय कार्यदल गठन भएको हो । बोर्डका अनुसार समितिका सदस्यमा डा. शर्मा पौडेल, डा. डम्बर खड्का, डा. सन्ध्या चापागाईँ, डा. सन्तोष पौडेल र नर्सिङ निर्देशक रोशनी तुइँतुइँ छन् ।

यसैगरी डा. कालुसिंह खत्री, डा. देवेन्द्रप्रसाद ज्ञवाली, रञ्जना पोखरेल पनि सदस्य छन् । समितिको सदस्य सचिवमा भने डा. कृष्णहरि खनाल तोकिएका छन् । समितिलाई प्रतिवेदन बुझाउन ३० दिनको समयावधि दिइएको छ ।

स्वास्थ्य बीमा बोर्डले सुविधा थैली अन्तर्गतका सेवा सुविधाको परिमार्जित विवरण तथा दर रेट १ भदौ २०८१ देखि लागू गरेको थियो ।