न्युयोर्क । इजरायलले इरानको आणविक कार्यक्रममा प्रि–एम्प्टिभ आक्रमण गरेपछि, जवाफ स्वरूप तेहरानले सयौं ब्यालिस्टिक मिसाइल प्रहार गरेको छ।

मध्यपूर्वको यस तनावपूर्ण स्थितिबीच संयुक्त राष्ट्रसंघका महासचिव एन्टोनियो गुटेरेसले दुवै पक्षलाई युद्धको विस्तार रोक्न आग्रह गरेका छन्।गुटेरेसले सामाजिक सञ्जाल एक्स (पूर्वट्विटर) मा लेख्दै युद्ध रोक्न भनेका हुन्।

‘अब धेरै भयो। यो युद्ध रोक्ने समय हो। यसबेला शान्ति र कूटनीति नै विजयी हुनुपर्छ’, उनले भनेका छन्।