जनकपुर । सपोर्ट नेपालद्वारा कुर्वे वुस्र्तोसँगको सहयोगमा सामाजिक व्यवस्थालाई सुदृढिकरणका साथै स्थानीयको सुविधाका लागि मटिहानीमा टोल विकास संस्था कार्यविधि र नागरिक सहायता कक्ष निर्देशिकामा छलफल आयोजना गरिएको छ ।

जनकपुरमा आयोजित यस छलफल कार्यक्रममा सहभागी वक्ताहरुले मटिहानी नगरपालिकाभित्र टोल विकास संस्थालाई संस्थागत रूपमा सबल बनाउने र नागरिक सहायता कक्षमार्फत सेवा प्रवाहलाई प्रभावकारी बनाउदै सामाजिक विकासलाई तीब्र बनाउने विषयमा आ—आफ्नो धारणा व्यक्त गरे ।

छलफल कार्यव्रmममा सहभागिता जनाउँदै मटिहानी नगरपालिकाको नगर उप प्रमुख मंजु देवी साहले टोल विकास संस्था कार्यविधि र नागरिक सहायता कक्ष निर्देशिकाले सर्वसाधारण नागरिकको स्थानीय सरकारमा सहभागिता र पहुचमा अभिवृद्दि हुनुका साथै नियमनमा पनि टेवा पु¥याउने कुरामा जोड दिए ।

सो अवसरमा मटिहानी नगरपालिकाका प्रमुख प्रशासकीय अधिकृत चन्द्रशेखर शर्माले टोल विकास संस्था र नागरिक सहायता कक्षले सेवा प्रवाहलाई प्रभावकारी सहायक हुने बताउँदै त्यसबाट स्थानीयले लाभ लिन सजिलो हुने बताए ।

उनले नगरपालिकाले स्थानीयका लागि दिने सेवालाई सजिलैसँग लाभग्राहीसम्म पु¥याउन कार्यविधिहरू आवश्यक हुने बताएका हुन् ।

नगरपालिकाका योजना अधिकृत चन्देश्वर यादवले छलफलमा सहभागीहरूबाट प्राप्त सुझावहरूलाई समेटी निर्देशिकालाई अझ प्रभावकारी बनाइने जानकारी दिए ।

सपोर्ट नेपालका अध्यक्ष रोशना खड्काले छलफलमा सहभागी भई कार्यविधी र निर्देशिका तयार पार्न दिनुभएको अमूल्य सुझावले स्थानीय बासिन्दाका लागि स्थानीय तहले दिने सेवा, सुविधा पारदर्शी र शासनको प्रवद्र्धनमा सहयोग पुग्ने विश्वास व्यक्त गरिन् ।

उनले सामाजिक विकासका लागि काम गर्ने संस्था सपोर्ट नेपालको पहलमा स्थानीय जनप्रतिनिधी, अधिकारकर्मी, अभियन्ताहरुको आगामी दिनमा पनि यस्तै सकारात्मक सहयोग मिल्ने विश्वास व्यक्त गरेकी छन्।