काठमाडौँ । साताको चौथो कारोबार दिन बुधबार नेपाल स्टक एक्सचेन्ज घटेको छ। आज नेप्से परिसूचक १.०७ अंकले घटेर दुई हजार ६५३.६८ विन्दुमा बन्द भएको हो ।

त्यसैगरी, आज कारोबार रकम भने बढेको छ । आज कूल २ करोड ३४ लाख कित्ता शेयर खरिद–बिक्री हुँदा ९ अर्ब ८ करोड ५८ लाख रुपैयाँ बराबरको कारोबार भएको छ । नेप्सेका अनुसार आज ८८ वटा कम्पनीको शेयरमूल्य बढेको छ भने १५९ कम्पनीको मूल्य घटेको छ। एउटा कम्पनीको शेयरमूल्य स्थिर छ । 

आज पनि  पियोर इनर्जीको शेयरमा सकारात्मक सर्किट लागेको छ भने सबैभन्दा धेरै कारोबार सानिमा माइ हाइड्रोपावरको भएको छ । सो कम्पनीको मात्र ७१ करोड ७८ लाख रुपैयाँ बराबरको शेयर कारोबार भएको हो ।