काठमाडौं । साइबर अपराध गरेको आरोपमा पत्रकार दिलभूषण पाठकविरुद्ध जिल्ला अदालत काठमाडौंमा मुद्दा दायर भएको छ ।

नेपाल प्रहरीको साइबर ब्युरोको अनुसन्धानपछि जिल्ला सरकारी वकिलको कार्यालयले सोमबार जिल्ला अदालत काठमाडौंमा अभियोग पत्र दर्ता गराएको हो ।

युट्युबमार्फत घृणा र द्वेष फैलाएको आरोपमा पाठकविरुद्ध मुद्दा दायर गरिएको हो ।

साइबर ब्युरोले कार्यक्रमको भिडियो, स्क्रिनसट तथा अन्य कागजातहरू समेत प्रमाणका रूपमा अदालतमा पेस गरेको छ ।

सरकारी वकिलको कार्यालयले विद्युतीय कारोबार ऐन, २०६३ को दफा ४७(१) अनुसार अभियोग दाबी गर्दै १ लाख रुपैयाँसम्म जरिवाना वा ५ वर्षसम्म कैद वा दुवै सजायको माग गरेको छ ।