काठमाडौं । पत्रकार दिलभूषण पाठकलाई २५ हजार धरौटीमा रिहा गर्न अदालतले आदेश जारी गरेको छ । न्यायाधीश खेमराज भट्टराईको इजलासले पाठकसँग २५ हजार धरौटी माग गरेको हो ।

साइबर अपराध गरेको आरोपमा मुद्दा दायर भएसँगैं पाठक बिहीबार जिल्ला अदालत उपस्थित भएका थिए । आजै उनकाे बयान र थुनछेक बहसपछि धरौटीमा छाड्न आदेश दिइएको हो ।

युट्युब मार्फत घृणा र द्वेष फैलाएको आरोपमा नेपाल प्रहरीको साइबर ब्यूरोले पाठकविरुद्ध १६ असारमा मुद्दा दायर गरेको थियो ।