काठमाडाैं । गृहमन्त्री नियुक्त ओमप्रकाश आर्यालले आफ्नो कार्यभार सम्हालेका छन्। शीतल निवासमा शपथ लिएपछि सिंहदरबारस्थित मन्त्राालयमा पुगेर उनले पदभारग्रहण गरेका हुन्।

पदभार सम्हाल्दै गृहमन्त्री अर्यालले जेनजी आन्दोलनमा सहिद भएकाहरूको सम्झनामा तीन दिन राष्ट्रिय शोक मनाउने निर्णयमा हस्ताक्षर गरेका छन् । साथै उनीहरूको सम्मानमा राष्ट्रिय झण्डा आधा झुकाइने छ ।

यसैगरी, आन्दोलनमा मृतकका परिवारलाई एक लाख-एक लाख रूपैयाँका दरले किरिया खर्च दिने निर्णय पनि गृहमन्त्रीकाे छ । शवहरू व्यवस्थापनका लागि सरकारले नि:शुल्क सवारीसाधन उपलब्ध गराउने र विकट ठाउँमा हेलिकप्टरबाट पुर्‍याउने निर्णय पनि गरिएको छ ।