काठमाडौं। नेकपा माओवादी केन्द्रको सचिवालय बैठक आज (सोमबार) बस्दैछ । बैठक दिउँसो १ बजे पार्टी केन्द्रीय कार्यालय पेरिसडाँडामा बस्नेछ ।

पार्टीका सचिवालय सदस्य हरिबोल गजुरेलका अनुसार बैठकमा केन्द्रीय महाधिवेशनको मिति निर्धारण, प्रतिनिधि छनोट लगायत विषयमा छलफल हुने जानकारी दिए । यही असोज १० माओवादीले केन्द्रीय समिति विघटन गरेर आगामी मंसिरमा विशेष महाधिवेशन गर्ने निर्णय गरेको थियो । यसको संयोजकमा पुष्पकमल दाहाल प्रचण्ड रहेका छन् ।