काठमाडौं । नेकपा (एमाले)का अध्यक्ष केपी शर्मा ओलीलाई मार्ग प्रशस्त गर्न नेताहरूले सुझाएका छन् ।

शुक्रबार गुन्डुमा बसेको पार्टी सचिवालय बैठकमा नेताहरूले पार्टी पुनर्गठनको विषय उठाउँदै ओलीलाई मार्ग प्रशस्त गर्न सुझाव दिएका हुन् ।

बैठकमा उपाध्यक्ष अष्टलक्ष्मी शाक्यले ओलीको राजीनामा माग गरेको स्रोतले जानकारी दियो । अब ओलीबाट पार्टी नचल्ने भन्दै उनले राजीनामा दिनुपर्ने बताइन् ।

उपाध्यक्ष युवराज ज्ञवाली, सुरेन्द्र पाण्डेले पनि ओलीलाई मार्ग प्रशस्त गर्न आग्रह गरेको स्रोतले बतायो । यस्तै वरिष्ठ उपाध्यक्ष ईश्वर पोखरेलले पार्टी पुनर्गठन हुनुपर्नेमा जोड दिएका थिए ।

बैठकमा वरिष्ठ उपाध्यक्ष पोखरेल, उपाध्यक्षहरू अष्टलक्ष्मी, पाण्डे र युवराजसहित विष्णु पौडेल, रामबहादुर थापा ‘बादल’, गुरू बराल, महासचिव शंकर पोखरेल, उममहासचिव प्रदीप ज्ञवालीले धारणा राखेका थिए।