काठमाडाैं । हालसालै नेपाली बजारमा प्रवेश गरेको विश्वविख्यात ईभी ब्रान्ड जिली एक्स ५ ले नेपाली उपभोक्ताहरूको मन जित्न सफल भएको छ ।

नेपालमा सार्वजनिक भएको केवल दुई महिनामै जिली एक्स ५ म्याक्स र एक्स ५ प्रोको गैरीधारास्थित शोरूममा ग्राहक तथा उपभोक्ताहरूको भिड लागिरहँदा गाडीको टेस्ट ड्राइभ, बुकिङ र खरिदमा उल्लेखनीय वृद्धि भएको हो । यसले नेपाली उपभोक्ताहरूको विश्वप्रसिद्ध अटोमोबाइल ब्रान्ड जिली अटोमोबाइल ग्रुपप्रतिको विश्वासलाई झल्काएको छ ।

काठमाडौंलगायत पोखरा र विराटनगरसम्मका उत्साही ग्राहकहरू गैरीधारास्थित शोरुममा स्वत:स्फूर्त रूपमा आएर जिली एक्स ५ लाई प्रत्यक्ष रूपमा अनुभव गर्दा एक्स ५ मोडलका स्मार्ट, आकर्षक र वातावरणमैत्री एसयूभी देखेर चकित परेका छन्, जसले विद्युतीय सवारीसाधनको परिभाषा नै पुनर्लेखन गरिरहेको छ ।

‘हामीले सोचेभन्दा निकै राम्रो प्रतिक्रिया पाएका छौँ,’ एलआरआर मोटर्सका बिक्री प्रमुख अधिर श्रेष्ठले बताए, ‘शोरूमबाहिर लाइन लागेका दृश्यहरू, रेकर्ड संख्यामा टेस्ट ड्राइभ दर्ता– यी सबैले देखाउँछ कि नेपालीहरू जिलीको ‘स्मार्ट र दिगो मोबिलिटी’को दृष्टिकोणसँग गहिरो रूपमा जोडिएका छन् ।’

उनका अनुसार, टेस्ट ड्राइभमा सहभागी ग्राहकहरूले एक्स ५ को स्मूथ पर्फर्मेन्स र भविष्यकेन्द्रित डिजाइनको प्रशंसा गर्दै यसलाई ‘नेपालले कुरिरहेको ईभी’ को संज्ञा दिएका छन् ।

एलआरआर मोटर्सले हाल फोन र सामाजिक सञ्जालमार्फत परिवार, युवा, व्यवसायी, पेसाकर्मी र ईभीपारखीहरूबाट अत्यधिक सोधपुछ र रुचि प्राप्त गरेको छ । धेरै ग्राहकहरूले एक्स ५ को रेञ्ज, विश्वसनीयता र आधुनिक सुविधाप्रति विश्वास व्यक्त गर्दै यसलाई २०२५ को सबैभन्दा चर्चित विद्युतीय एसयूभीमध्ये एकको उपमा दिएका छन् ।

‘जिली एक्स ५ प्रगतिशील सोच र आत्मविश्वासको प्रतीक हो,’ एलआरआर मोटर्सका निर्देशक जीवनजंग शाहीले भने, ‘हामीले पाएको जिली एक्स ५ प्रतिको उत्साह र स्वीकार्यताले नेपाली उपभोक्ताहरूले उनीहरू जिली ग्रुपको गौरवपूर्ण इतिहाससँगै परिवर्तनको नेतृत्व गर्न उत्साहित रहेको देखाएको छ ।’

उच्च मागका कारण, एलआरआर मोटर्सले शोरूम समय विस्तार र थप टेस्ट ड्राइभको समय बढाएको घोषणा गरेको छ । हाल गैरिधारास्थित शोरूम बिहान ९ देखि साँझ ८ बजेसम्म सञ्चालनमा छ, साथै शनिबार र सार्वजनिक बिदामा पनि खुला रहने बताइएको छ ।

यो उत्साहलाई थप उचाइमा पुर्‍याउन, एलआरआर मोटर्सले आफ्ना ग्राहकहरूका लागि विशेष फेस्टिब अफरहरू घोषणा गरेको छ । अफरअन्तर्गत नयाँ खरिदकर्ताहरूले आकर्षक नगद छुट, एक वर्षको निःशुल्क बीमा, सजिलो फाइनान्स सुविधा, उत्कृष्ट एक्सचेन्ज मूल्यांकन, थप बोनस र उपहार प्याकलगायतका लाभ प्राप्त गर्न सक्नेछन् ।