काठमाडाैं। अखिल नेपाल फुटबल संघ (एन्फा) मुख्यालयमा प्रदर्शन गर्न उत्रिएका खेलाडीहरूले गेटमै मेडल झुन्ड्याएका छन् ।

ए डिभिजन लिग यस वर्ष नगरी अर्को वर्ष मात्र गर्ने निर्णयविरुद्ध नेपाल फुटबल खेलाडी संघको आयोजनामा खेलाडीहरूले सातदोबाटोस्थित एन्फा मुख्यालय पुगेर प्रदर्शन गरेका हुन् ।

खेलाडीहरूले विरोध कार्यक्रम एन्फा परिसरभित्र गर्ने बताएपनि एन्फाले मुल गेटबाट प्रवेश नदिएपछि खेलाडीहरूले गेट बाहिरबाट नै विरोध प्रर्दशन गरेका थिए।

त्यसपछि खेलाडीहरूले विभिन्न प्रतियोगितामा पाएको मेडलहरू एन्फा गेटमा नै झुन्ड्याए।