काठमाडौं । नेपाल प्रिमियर लिग (एनपीएल) टी–२ मा चितवन राइनोजले लुम्बिनी लायन्सलाई १४३ रनको लक्ष्य प्रस्तुत गरेको छ ।

त्रिवि क्रिकेट मैदानमा टस हारेर ब्याटिङको निम्तो पाएको चितवनले निर्धारित २० ओभरमा ७ विकेट गुमाउँदै १४२ रनकाे याेगफल तयार गरेकाे हाे ।

चितवनका लागि रवि बोपाराले सर्वाधिक ६५ रन बनाए । उनले ५५ बलमा ४ चौका र ३ छक्का प्रहार गरे । यसैगरी कप्तान कुशल मल्लले २१, सैफ जैबले १५, दीपक बोहराले १०, देव खनालले १४, अर्जुन साउदले ८ र सोहिल तन्विरले ५ रन जाेडे ।