काठमाडौं । एसिसी पुरुष यु–१९ प्रिमियर कप क्रिकेटको फाइनलमा अहिले नेपाल र संयुक्त अरब इमिरेट्स (यूएई) भिड्दैछन्। यूएईको अजमानस्थित करवान मैदानमा नेपालले टस जितेर फिल्ड रोजेको नेपालले सुरुमा बलिङ गर्दैछ ।

मलेसियालाई नौ विकेटले हराउँदै नेपाल फाइनल पुगेको छ। यूएईले भने ओमानलाई आठ विकेटले पराजित गर्दै फाइनलमा स्थान बनाएको हो।नेपाल र युएई एसिया कपमा छनोट भइसकेका छन्। प्रतियोगिताको फाइनलमा पुग्ने दुवै टोली सिधै एसिया कपमा छनोट हुने प्रावधान छ।

सेमिफाइनलमा पराजित हुने टोलीबीच तेस्रो स्थानका लागि खेल सोमबार नै हुँदैछ । तेस्रो स्थान हासिल गर्ने टोली पनि एसिया कपमा पुग्ने नियम छ।तेस्रो स्थानका लागि सोमबार मलेसिया र ओमान खेल्दैछन्। प्रतियोगितामा १४ टोलीको सहभागिता थियो।