काठमाडाैं । श्रम संस्कृति पार्टीका उपाध्यक्ष विश्वक्रान्ति, देवराज भनिने राजकुमार तामाङ लामालाई पार्टीले निलम्बन गरेको छ ।

विस्फाेटक पदार्थसम्बन्धी कसुरमा फरार देखिएका तामाङलाई मंगलबार केन्द्रीय अनुसन्धान ब्युरो (सिआइबी)ले काठमाडौंको कपनबाट पक्राउ गरेको थियाे ।

उनी पक्राउ परेगलत्तै श्रम संस्कृति पार्टीका अध्यक्ष हर्क साम्पाङले बुधबार विज्ञप्ति जारी गरेर आजैका मितिबाट अनुसन्धानको अन्तिम टुंगो नलागुन्जेलसम्मका लागि निलम्बन गरिएको जानकारी दिए ।

अनुसन्धानमा कुनै किसिमको प्रभाव र दबाब नपरोस् भन्नका लागि अनुसन्धानको टुंगो नलागेसम्म बुधबारदेखि लागुहुने गरी पार्टीको उपाध्यक्ष पदको जिम्मेवारीबाट निलम्बन गरिएको अध्यक्ष साम्पाङले जारी गरेको विज्ञप्तिमा उल्लेख छ ।