काठमाडाैं । नेपाली कांग्रेसले प्रतिनिधि सभा समानुपातिक उम्मेदवार सूची बुझाएको छ। सूची बुझाउने अन्तिम दिन साेमबार राती निर्वाचन आयोगमा निस्सा लिएर आज मात्रै उम्मेदवार सूची बुझाएको हो।

उम्मेदवार सूचीमा खस आर्यबाट अर्जुननरसिंह केसी, आदिवासी जनजातिबाट भीष्मराज आङदेम्बे पहिलो नम्बरमा छन् ।

पार्टीले नयाँ अनुहारलाई प्राथमिकता दिएको बताएकाे छ। ३५ वर्ष उमेरमुनिका १५ जना समानुपातिक उम्मेदवार रहेका छन्।

कांग्रेसले लामो रस्साकस्सीपछि समानुपातिक बन्दसूचीको नाम टुंगो लगाएको हाे । उम्मेदवार छनोटमा विवाद हुँदा सूची बनाउने क्रममै ढिला भएको पार्टी स्रोतले जनाएको छ ।