काठमाडौं । आगामी फागुन २१ गते हुने प्रतिनिधि सभा निर्वाचनका लागि बर्दिया संघीय निर्वाचन क्षेत्र नं. १ बाट गोविन्द थपलियासहित ५ जनाको नाम सिफारिस भएको छ।

सिफारिस हुनेहरुमा शालिकराम अधिकारी, कपिल ज्ञवाली, गोविन्द थपलिया, सुरेश रेग्मी र सुष्मा चौधरी रहेका छन् ।

अधिकारी एमाले बर्दिया जिल्ला कमिटी अध्यक्ष हुन्। यस्तै ज्ञवाली एमाले बर्दिया जिल्ला कमिटी सदस्य हुन् । रेग्मी एमालेका पुराना नेता हुन् भने चौधरी बाँसगढीकी पुर्व उपमेयर हुन्।

यसैगरी थपलिया अनेरास्ववियुको त्रि-चन्द्र क्याम्पस कमिटी अध्यक्ष हुँदै, अनेरास्ववियु भेरी अञ्चल कमिटी अध्यक्ष, अनेरास्ववियु केन्द्रिय कमिटी सदस्य, सचिवालय सदस्य, स्थायी कमिटी सदस्य एवम् शैक्षिक विभाग प्रमुख हुन् ।

थपलियालाई एमालेबाट ४० वर्ष मुनिको युवा कलष्टरलाई ध्यान दिँदै सिफारिस गरिएको एमालेले बताएको छ ।