काठमाडाैं । १३० वर्षभन्दा लामो इतिहास बोकेको स्कोडा अटोले नेपालमा सटीकता, सुरक्षा र बुद्धिमत्तापूर्ण डिजाइनमा आधारित युरोपेली इन्जिनियरिङको समृद्ध विरासत ल्याएको छ।

सन् १८९५ मा युरोपमा स्थापना भएको स्कोडा आज विश्वका १०० भन्दा बढी बजारमा उपस्थित छ र उन्नत इन्जिनियरिङलाई दैनिक उपयोगितासँग सन्तुलन गर्ने भरपर्दा, उच्च गुणस्तरीय सवारीसाधनका लागि विश्वभर परिचित छ।

उत्कृष्टताप्रतिको प्रतिबद्धताका कारण स्कोडा वर्षौदेखि विभिन्न अन्तर्राष्ट्रिय अवार्डबाट पुरस्कृत हुँदै आएको छ। क्लिन र फंक्सनल डिजाइन फिलोसोफीका लागि यस ब्रान्डले अनेकौ रेड डट डिजाइन अवार्ड जितेको छ। साथै, युरो एनक्याप क्र्यास परीक्षणमा उच्च सुरक्षा मूल्याङ्कन प्राप्त गर्नुले पनि यात्रु सुरक्षा र संरचनात्मक मजबुतीमा यसको स्पष्ट ध्यान देखिएको कम्पनीको भनाइ छ।

अटो एक्सप्रेस ड्राइभर पावर जस्ता विश्वसनीय अटोमोटिभ मूल्याङ्कन तथा ग्राहक सन्तुष्टि अध्ययनहरूमा पनि स्कोडाले विश्वसनीयता, निर्माण गुणस्तर र स्वामित्व अनुभवका आधारमा उच्च स्थान हासिल गरेको छ।

स्कोडाको सफलताको केन्द्रमा यसको बलियो युरोपेली इन्जिनियरिङ डीएनए छ। कडा युरोपेली मापदण्ड अनुसार विकास गरिएका स्कोडाका सवारीसाधन उन्नत उत्पादन प्रक्रिया र उच्च–मजबुत सामग्री प्रयोग गरेर तयार गरिन्छन्, जसले टिकाउपन, सुरक्षा र दीर्घकालीन विश्वसनीयता सुनिश्चित गर्ने कम्पनीको दाबी छ।

यही इन्जिनियरिङ दृष्टिकोणले स्कोडालाई विविधतायुक्त सडक र ड्राइभिङ अवस्था भएका विश्वका विभिन्न बजारमा निरन्तर राम्रो प्रदर्शन गर्न सक्षम बनाएको छ।

नेपालमा पनि स्कोडाले ग्राहकहरूमा विश्वास निर्माण गरेको छ। अक्टाभिया, र्यापिड, कुशाक र स्लाभिया जस्ता मोडलहरू सहरका सडकदेखि राजमार्गसम्म प्रचुर मात्रामा देखिन थालेका छन्। यी सवारीसाधनहरू मजबुत निर्माण, स्थिर राइड क्वालिटी, रेस्पोन्सिभ स्टेयरिङ र रिफाइन्ड अटोमेटिक ट्रान्समिसनका लागि प्रशंसित छन्। यी गुणहरू सहरको ट्राफिक, राजमार्ग र पहाडी भू–भाग मिश्रित नेपाली सडक सुहाउँदा छन्।

स्कोडाको इन्जिनियरिङ फिलोसोफीमा चेसिस ट्युनिङ र स्टेयरिङ सटीकतामा विशेष जोड दिइन्छ। सवारीसाधनहरू सन्तुलन, आराम र नियन्त्रण प्रदान गर्नेगरी सावधानीपूर्वक क्यालिब्रेट गरिएका हुन्छन्, जसले उकालो बाटो, घुमाउरा सडक र लामो दूरीको यात्रामा आत्मविश्वास दिन्छ। यही अनुकूलताले स्कोडालाई नेपालको विविधतायुक्त ड्राइभिङ परिवेशका लागि उपयुक्त बनाएको छ।

अटोमेटिक ट्रान्समिसन रिफाइनमेन्ट पनि स्कोडाको इन्जिनियरिङ परिपक्वताको संकेत हो। स्मूथ गियर सिफ्ट, बुद्धिमत्तापूर्ण ट्रान्समिसन ट्युनिङ र प्रमाणित विश्वसनीयताले विशेषगरी भीडभाड र उकालो बाटोमा आरामदायी र तनावरहित ड्राइभिङ अनुभव दिन्छ, साथै इन्धन–कुशल प्रदर्शनमा पनि सहयोग पुर्‍याउँछ।

आकर्षक डिजाइन, प्रमाणित सुरक्षा र विश्वसनीय इन्जिनियरिङ लिगेसीलाई अघि बढाउँदै स्कोडाले नयाँ स्कोडा कायलाक अटोमेटिक प्रस्तुत गरेको छ। आत्मविश्वासपूर्ण प्रदर्शन, सजिलो ड्राइभिङ अनुभव र स्वामित्वमैत्री इन्जिनियरिङ प्रदान गर्न डिजाइन गरिएको कायलाकले वास्तविक सडक आवश्यकताहरू बुझ्ने युरोपेली ब्रान्डका रूपमा स्कोडाको स्थानलाई अझ सुदृढ बनाएको कम्पनीले जनाएको छ।

क्षमता, रिफाइनमेन्ट र दीर्घकालीन विश्वसनीयतामा केन्द्रित दृष्टिकोणले कायलाकलाई नेपालमा स्कोडाको यात्रालाई थप अर्थपूर्ण रूपमा स्थापित गरेको कम्पनीले जनाएको छ ।