शनिबार, फागुन २३, २०८२

रौतहट–१ मा रास्वपाका चौधरी विजयी, माधव नेपाल चौथो

मेरोन्यूज २०८२ फागुन २३ गते १५:४७

चन्द्रपुर (रौतहट) । प्रतिनिधिसभा सदस्य निर्वाचनअन्तर्गत रौतहट–१ मा राष्ट्रिय स्वतन्त्र पार्टी (रास्वपा)का राजेशकुमार चौधरी विजयी भएका छन् । आज सम्पन्न मतगणनामा चौधरीले २८ हजार ९४६ मत प्राप्त गरेको निर्वाचन अधिकृत मनोज केसीले जानकारी दिए ।

Advertisement
nepal life insurencenepal life insurence

उक्त क्षेत्रमा नेकपा (एमाले)का अजयकुमार गुप्ताले १० हजार ६९३ प्राप्त गर्दा नेपाली कांग्रेसका अनिल झाले आठ हजार ५७४ मत प्राप्त गरे । साथै नेपाली कम्युनिष्ट पार्टीका उम्मेदवार एवम् पूर्वप्रधानमन्त्री माधवकुमार नेपालले सात हजार ६६९ मत प्राप्त गरे ।

यस क्षेत्रमा एक लाख आठ हजार ७२६ मतदाता रहेकामा ७१ हजार १५६ मत खसेको थियो ।

हाल रौतहटको–२, ३ र ४ मा मतगणना जारी छ । क्षेत्र नंं २ मा नेपाली कांग्रेसका मो। फिरदोश आलम, क्षेत्र नं. ३ मा रास्वपाका रवीन्द्र पटेल र क्षेत्र नं. ४ मा रास्वपाकै गणेश पौडेलले अग्रता कायम राखिरहेका छन् ।

प्रतिक्रिया