कैलाली । सुदूरपश्चिमको पहाडी जिल्लामा बाक्लो हिमपात सुरु भएको छ । मौसममा आएको परिवर्तनसँगै बिहीबार अपरान्हदेखि उच्च लेकाली क्षेत्रमा हिमपात भएको हो ।

डडेल्धुरा, बैतडी, बझाङ र डोटीका पहाडी क्षेत्रमा हिमपात भइरहेको स्थानीयले बताएका छन् । डडेल्धुराको साहुखर्क, डोटीको हगुल्टे लेक, बैतडीको खोड्पे, बझाङको देउलेक क्षेत्रमा भारी हिमपात भएको हो ।

यो वर्ष लगातारको वर्षा र हिमपातले माघ सकिनै लाग्दासमेत चिसो कम हुन सकेको छैन । वर्षा र हिमपातले चिसो बढ्दा बाहिर निस्कनसमेत समस्या भइरहेको बझाङका स्थानीय दिपक रावलले बताए ।