अर्घाखाँची । सन्धिखर्कमा खानेपानीको न्यूनतम महसुल घटाइएको छ । सन्धिखर्कमा खानेपानी सेवा प्रदान गरिरहेको साना सहरी खानेपानी तथा सरसफाई उपभोक्ता मूल संस्थाले साबिकको मूल्यमा ५० कटौती गरी मासिक न्यूनतम शुल्क १५० कायम गरेको हो ।

दुई रुपैयाँ न्यूनतम महसुल लिइरहेको संस्थाले फागुन १ बाट लागू हुने गरी मूल्य घटाइएको संस्थाका अध्यक्ष दुर्गाप्रसाद श्रेष्ठले जानकारी दिए । माघ १९ गते बसेको सञ्चालक समितिको बैठकले मूल्य समायोजन गर्ने निर्णय गरेको हो ।

बैठकले संस्थाको पाचौँ अधिवेशन यही चैत्र १२ गते गर्ने निर्णयसमेत लिएको कार्यालय प्रमुख कृष्णप्रसाद आचार्यले जानकारी दिए । संस्थाले सदरमुकाम सन्धिखर्कका एक हजार ८४१ घर परिवारमा पिउने पानी उपलब्ध गराउँदै आएको छ ।

जिल्ला सदरमुकाम सन्धिखर्कमा खाने पानी उपलब्ध गराउने यो एकमात्र संस्था हो ।