कैलाली । कैलाली प्रहरीले लागूऔषध (चरेश)सहित २ जनालाई पक्राउ गरेको छ ।

जिल्लाको गौरीगंगा नगरपालिका–१० उदासिपुरस्थित भित्री सडकखण्डबाट शनिबार दिउँसो वडा नं. ८ चमारीपुरका ५३ वर्षीय मानबहादुर धामी र ३० वर्षीय बिर्ख धामीलाई चरेशसहित पक्राउ गरिएको हो ।

उनीहरुको साथबाट लागूऔषध (चरेश) साढे ४ केजी फेला बरामद गरिएको जिल्ला प्रहरी कार्यालय कैलालीले जनाएको छ ।

उनीहरुले प्रयोग गर्ने से.२ प.४११५ नम्बरको मोटरसाइकल समेत प्रहरीले आफ्नो नियन्त्रणमा लिएको छ ।