काठमाडौं । हृदयेश त्रिपाठी अध्यक्ष रहेको जनता प्रगतिशील पार्टीलाई निर्वाचन आयोगले दल दर्ताको प्रमाणपत्र प्रदान गरेको छ ।

त्रिपाठीले दल दर्ताका लागि दिएको निवेदन स्वीकृत गरी आयोगले दल दर्ताको प्रमाणपत्र प्रदान गरेको हो ।

फागुन ३ गते मंगलबार बसेको आयोगको बैठकको निर्णयबाट जनता प्रगतिशील पार्टीलाई दर्ता प्रमाणपत्र प्रदान गरिएको निर्वाचन आयोगले जनाएको छ ।

पार्टीका तर्फबाट अध्यक्ष त्रिपाठीले नै मंगलबार आयोगमा गएर दल दर्ताको प्रमाणपत्र बुझेका छन् ।