काठमाडौं । सत्तारूढ दल नेकपा माओवादी केन्द्रको संसदीय दलको बैठक आज बस्दैछ। माओवादी केन्द्रका प्रमुख सचेतक देव गुरूङका अनुसार बैठक सिंहदरबारस्थित संसदीय दलको कार्यालयमा बिहान १० बजे बस्ने कार्यक्रम रहेको छ।

सरकारको नेतृत्व गरिरहेको दल नेपाली कांग्रेस र प्रधानमन्त्रीले एमसीसी सम्झौता सदनमा अगाडी बढाउन खोजेपछि माओवादीले यस विषयमा सासदहरुसँगको छलफलका लागि संसदीय दलको बैठक बोलाएको हो ।

बैठकमा आज बस्ने संसद बैठकमा आफ्ना सांसदले खेल्ने भूमिकाबारे छलफल हुने गुरूङले बताए। बैठकमा पछिल्लो राजनीतिक घटनाक्रमबारे संसदीय दलका नेता पुष्पकमल दाहाल ‘प्रचण्ड’ले जानकारी गराउने छन्।

यस अगाडी केन्द्रीय कार्यालयको मंगलबार अध्यक्ष प्रचण्ड निवासमा बसेको अनौपचारिक बैठकमा भएका छलफलहरुको बारेमा पनि अध्यक्षले जानकारी गराउनेछन् । माओवादी केन्द्रले संसदमा जारी अवरोध नहटाई र राष्ट्रिय सहमति नभई एमसीसी अघि नबढाउन भनिरहेको छ।