काठमाडौं । बर्दियाको मधुवन नगरपालिकास्थित ओराली बजारमा सिटिजन्स बैंकले शाखारहित सेवा सुरु गरेको छ ।

सोमवारबाट सेवा आरम्भ गरिएको ओराली बजारको ९३ ओैँ शाखारहित बैंकिङ्ग सेवा भएको बैंकका प्रवक्ता नारायणराज अधिकारीले बताए ।
ओराली बजारको शाखारहित बैंकिङ सेवा सञ्चालनका लागि स्थानीय व्यवसायी चित्रबहादुर वलीलाई व्यवसायिक प्रतिनिधि नियुक्त गरिएको छ ।

शाखारहित बैंकिङ्गबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवाहरुको रकम भुक्तानी लगायत बैंकले प्रदान गर्ने अन्य सेवाहरु उपलब्ध गराउने लक्ष्य राखिएको छ ।

सिटिजन्स बैंकले देशैभरी आफ्ना १७४ वटा शाखा, १२३ वटा एटीएम र ९३ वटा शाखारहित बैंकिङ्ग इकाईहरुबाट सेवा दिँदै आएको छ ।