काठमाडौँ । भालुको पित्त र यार्सागुम्बासहित प्रहरीले कृष्णपुर नगरपालिका १ वनदेवी मन्दिरबाट ५७ वर्षीय बृख कामीलाई पक्राउ गरेको छ ।

जिल्ला प्रहरी कार्यालयका प्रहरी निरीक्षक लालबहादुर बमका अनुसार जुम्ला कन्काइसुन्दरी गाउँपालिका ६ स्थायी घर भई हाल कैलालीको गोदावरी नगरपालिका २ अत्तरियामा बस्ने कामीलाई भालुको पित्त ९२ ग्राम र यार्सागुम्बा ५२४ ग्रामसहित पक्राउ गरेको हो ।

उनी बस्दै आएको डेराबाट ५०० ग्राम यार्सागुम्वा फेला पारेको प्रहरी निरीक्षक बमले बताए । उनका अनुसार पक्राउ परेका कामीमाथि थप अनुसन्धानको कार्य भइरहेको छ ।