काठमाडौँ । ट्वान्टी–२० विश्वकप छनोट क्रिकेट अन्तर्गत तेस्रो खेलमा नेपालले क्यानाडाको सामना गरिरहेको छ ।

ओमानको मस्कट मैदानमा नेपालले टस हारेर फिल्डिङको अवसर पाएको नेपालले सेमिफाइनलमा पुग्नका लागि क्यानाडालाई जित्नै पर्ने हुन्छ ।

यसअघि लगातार दुई खेल जितेको नेपालले आजको खेलमा पनि क्यानाडामाथि जित हासिल गरी सेमिफाइनलमा प्रवेश गर्ने रणनीतिका साथ मैदानमा उत्रिएको छ ।

नेपालले क्यानडालाई पराजित गरेमा समूह ‘बी’ को विजेता भएर यूएईसँग सेमिफाइनल खेल्ने छ ।

आजको खेलमा नेपाली टोलीका गुलसन झा र शरद भेषवाकर टिममा परेका छैनन् । झाको ठाउँमा कमलसिंह ऐरी र शरदको ठाउँमा कुशल मल्ललाई खेलाइएको छ ।

३.५ ओभर खेल्दा नेपालले १ विकेट ढालेको छ । क्यानडाले १ विकेटको क्षतिमा ३० रन जोडेको छ ।

आज विहानै भएको अर्को खेलमा यूएई समूह उपविजेता भएर सेमिफाइनलमा पुगेको छ । आयरल्यान्ड भने जर्मनीलाई ७ विकेटले पराजित गरी समूह विजेता बन्दै सेमिफाइनलमा प्रवेश गरेको छ ।

यसअघिको खेलमा नेपालले ओमान र फिलिपिन्सलाई पराजित गरेको थियो । नेपालले ओमानलाई ३९ र फिलिपिन्सलाई १ सय ३६ रन रनको विशाल स्कोरले पराजित गरेको थियो ।