काठमाडौँ । बाँकेको बैजनाथ गाउँपालिकामा चितुवाको छालासहित तीन जनालाई प्रहरीले पक्राउ गरेको छ ।

बैजनाथ गाउँपालिका ५ बाट चितुवाको छालासहित स्थानीय यमबहादुर विश्वकर्मा तथा बर्दियाको मधुवन नगरपालिकाका आकाश परियार र लालबहादुर विकलाई पक्राउ गरिएको इलाका प्रहरी कार्यालय, कोहलपुरका प्रहरी नायब उपरीक्षक रवीन्द्र खनालले जानकारी दिए ।

उनका अनुसार, पैदल हिँडिरहेका उनीहरुलाई शंका लागेपछि जाँच गर्दा चितुवाको छाला भेटिएको हो । उनीहरुलाई इलाका प्रहरी कार्यालय कोहलपुरमा राखेर थप अनुसन्धान भइरहेको छ ।