काठमाडौँ । रुसले युक्रेनमाथि गरेको सैनिक हमलाको नयाँ तस्बिरहरू सार्वजनिक भएका छन् । तस्बिरमा अत्यावश्यक सामग्रीको पर्खाइमा पसलबाहिर मानिसहरु लामो लाइनमा बसिरहेका छन् ।

यस्तै, बम बारुदले जलिरहेका भवन र सेनाका बख्तरबन्दका लामा ताँती देख्न सकिन्छ । त्यसैगरी, विभिन्न सीमा बिन्दुमा युक्रेन छोड्न खोज्ने र छिमेकी देश हंगेरी, स्लोभाकिया र रोमानिया प्रवेश गरेका मानिसको समूह स्याटलाइट तस्विरमा देख्न सकिन्छ ।

रुसी फौजले युक्रेनी सहर खेरसनलाई नियन्त्रणमा लिएको स्थानीय अधिकारीले पुष्टि गरेका छन् । तीन लाख जनसंख्या भएको सहरलाई रुसी सेनाले घेरेको र त्यहाँ युक्रेनी सेनाको उपस्थिति शून्य देखिएको अधिकारीहरुले बताएको छ ।