नवलपुर । नवलपरासीका पत्रकारका नेता होमराज रानाभाट नेपाली कांग्रेस नवलपुर सचिवमा निर्वाचित भएका छन् ।

सोमबार साँझ सम्पन्न अधिवेशनमा पत्रकार रानाभाटले सबैभन्दा बढी मत ल्याएर कांग्रेस सचिवमा विजयी भएका हुन् । १८ सय १८ मत खसेकोमा उनले ११ सय ४१ मत ल्याए ।

तीन दशकदेखि पत्रकारिता गर्दै आएका रानाभाट नेपाल पत्रकार महासंघ नवलपरासीका पूर्वअध्यक्ष समेत हुन् ।

कांग्रेसको नवलपुर अधिवेशनमा शेरबहादुर देउवा, रामचन्द्र पौडेल र शशांक कोइरालानिकट नेताहरुले छुट्टाछुट्टै गठबन्धन बनाएर चुनाव लडेका थिए ।

जिल्ला सभापतिमा भने पौडेलनिकट महेन्द्रध्वज जीसी सर्वसम्मत निर्वाचित भएका थिए ।