काठमाडौँ । सप्तरीमा आगलागीबाट १३ घर जलेर नष्ट भएका छन् । जिल्लाको अग्निसाइर कृष्णासावरण गाउँपालिका ४ टेंगरीमा शनिबार राति आगलागी भएको हो ।

स्थानीय डम्बर यादवको घरअगाडि राखेको रुखको पातबाट सल्किएको आगो बस्तीमा पसेको हो । सबै जना सुतिसकेको अवस्थामा गाउँमा भएको आगलागीबाट डम्बर यादव, श्यामकुमार यादव, दिनेशकुमार यादव, मनोजकुमार यादव, फुलदेव यादव, महेशकुमार यादवसहित १३ जनाको घर जलेका छन् ।

आगलागीले ९ वटा बाख्रा मरेको छ । आगलागीबाट झण्डै २५ लाख रुपैयाँ बराबरको क्षति भएको प्रारम्भिक अनुमान गरिएको जिल्ला प्रहरी कार्यालय सप्तरीले जनाएको छ । आगो बिहान ५ बजेतिर नियन्त्रणमा आएको थियो ।