काठमाडौँ । नेपाल स्टक एक्सचेञ्च (नेप्से) मंगलबार पनि गिरावट आएको छ । आइतबारदेखि घट्न थालेको नेप्सेमा आज १४ अंकले गिरावट भएको हो ।

साताको तेस्रो दिनसम्म नेप्सेमा गिरावट आएको हो । नेप्सेमा आइतबार ४१ अंक र सोमबार २९ अंकको गिरावट आएको थियो । लगातार दुई दिनदेखि घट्दै आएको नेप्से आज १४ अंकले गिरावट भएको हो ।

आज कूल एक अर्ब ७५ करोड रुपैयाँको सेयर कारोबार भएको छ । होटल र टुरिजम समूहबाहेक सबैको नेप्से घटेको छ । होटल र टुरिजम समूहमा भने २५ अंकको सुधार आएको छ ।