काठमाडौँ । आइएमई ग्रुपद्वारा सञ्चालित आइएमई पेले दराजसँग नयाँ नेपाली वर्षको अवसरका लागि सम्झौता गरेको छ । दुई संस्थाबीच अनलाइन सपिङ्ग गर्दा ग्राहकलाई छुट प्रदान गर्नेसम्बन्धी सम्झौता भएको हो ।

आइएमई पे सेवाग्राहीले दराजद्वारा अनलाइन सामान खरिद गरी अनलाइनबाटै भुक्तानी गर्दा १० प्रतिशतसम्म छुट प्राप्त गर्न सक्ने छन् । उक्त सम्झौता पत्रमा आइएमई पेका तर्फबाट सहायक महाप्रबन्धक प्रमोदमान सिंह बस्नेत र दराजका तर्फबाट भुक्तानी प्रबन्धक जोनाम भुर्तेलले हस्ताक्षर गरेका थिए ।

यो व्यवस्था भोलि चैत्र २८ देखि आगामी वैशाख ७ गतेसम्म सञ्चालन हुने भएको छ । यस अवसरमा ग्राहकले विभिन्न प्रकारको छुट पाउने भएका छन् ।