अर्घाखाँची । नेकपा एमालेले जिल्लाको भूमिकास्थान नगरपालिकामा रेसम थापालाई मेयरको उम्मेदवार बनाउने निर्णय गरेको छ ।

आज पोखेडाँडामा सम्पन्न पार्टीको नगर कमिटीको पूर्ण बैठकले थापासहित उपप्रमुखमा बसन्ता पौडेललाई उम्मेदवार बनाउने सर्वसम्मत निर्णय गरेको हो ।

नेकपा माओवादी केन्द्र र नेपाली कांग्रेसको तालमेलबाट पहिलो कार्यकालका लागि नगर प्रमुखमा निर्वाचित भएका थापा नेकपा विभाजनपछि नेकपाको निरन्तरताको रूपमा नेकपा एमालेमा क्रियाशील छन् ।

उपप्रमुखमा निर्णय भएकी पौडेल भने नेकपा एमाले नगर कमिटीका अध्यक्ष मणि पौडेलकी श्रीमती हुन् ।