काठमाडौँ । नेत्रविक्रम चन्द ‘विप्लव’ नेतृत्वको नेकपाका सचिवालय सदस्यद्वय हेमन्तप्रकाश वली र धर्मेन्द्र बास्तोला खुमलटार पुगेका छन् ।

उनीहरू बिहीबार बिहान नेकपा माअ‍ोवादी केन्द्रका अध्यक्ष पुष्पकमल दाहाल ‘प्रचण्ड’सँग भेटवार्ता गर्न खुमलटार पुगेका हुन् ।

आगामी वैशाख ३० गते हुने स्थानीय निर्वाचनका बारेमा छलफल गर्न गएका नेकपाका दुई नेताहरूले प्रचण्ड पत्नी सीता दाहालको स्वास्थ्य लाभको कामना गरेका थिए ।

‘नयाँ वर्ष २०७९ को शुभकामनासहित हाम्रा बन्दीहरू रिहाइका लागि नेकपा माओवादी केन्द्रका अध्यक्ष प्रचण्डसँग छलफल,’ आफ्नो फेसबुकमा लेख्दै बास्तोलाले भने, ‘लामो समयदेखि बिरमी रहनुभएकी प्रचण्ड पत्नी सीता दाहलसँग भेट र शुस्वास्थ्यको कामन ।’

चुनावको पक्षमा रहेका नेकपाका अध्यक्ष विप्लव र खड्गबहादुर विश्वकर्माले प्रधानमन्त्री शेरबहादुर देउवालाई भेटेको भोलिपल्ट उनीहरू प्रचण्डलाई भेट्न पुगेका हुन् ।