काठमाडौं । गृह मन्त्रालयले तयार पारेको नेपाल प्रहरी र सशस्त्र प्रहरी बलको नियमावली अर्थ मन्त्रालयमा रोकिएको छ ।

गृहले तयार गरेको प्रहरी (एघारौँ संशोधन) नियमावली, २०७८ र सशस्त्र प्रहरी (दोस्रो संशोधन) नियमावली, २०७८ को संशोधन मस्यौदा अर्थमन्त्रालयमा रोकिएको हो ।

दुवै सुरक्षा निकाय (सशस्त्र प्रहरी बल र नेपाल प्रहरी)सँग रहेका कर्मचारीको वृत्तिविकास एवं जनशक्ति व्यवस्थापनसम्बन्धी केही अधिकार कटौती गरी गृह मन्त्रालय मातहत ल्याउन नियमावली हेरफेर गर्न लागिएको थियो ।

सो मस्यौदा प्रति नेपाल प्रहरी र सशस्त्रका प्रमुख र अर्थ मन्त्रालयले असन्तुष्ट जनाएपछि नियमावलीको संसोधन प्रक्रिया रोकिएको हो ।

गृह मन्त्रालयले प्रहरी नियमावली २०७१ का १० र सशस्त्र प्रहरी नियमावली २०७२ का १५ प्रावधान संशोधन गर्न तयार गरेको मस्यौदा सैद्धान्तिक सहमतिका लागि अर्थ मन्त्रालयमा पठाइसकेको थियो । तर अर्थमन्त्रालयले असन्तुष्टि जनाएपछि उक्त नियमावलीको संसोधन प्रक्रिया रोकिएको स्रोतको भनाई छ ।

गृहले तयार पारेको मस्यौदामा नेपाल प्रहरीका महानिरिक्षक र सशस्त्र प्रहरी बलका महानिरिक्षकले असन्तुष्टि जनाएका थिए । गृहमन्त्रालयले प्रहरीको ‘चेन अफ कमाण्ड’लाई नै असर पार्ने गरी नियमावली संसोधनको मस्यौदा तयार गरेको थियो ।

यो पनि:-

गृह मन्त्रालयले तयार पारेको प्रहरी र सशस्त्रको नियमावलीमा के छ ?