काठमाडौँ । पेय पदार्थ कोकाकोलाले आइसेक नेपालसँगको सहकार्यमा यो वर्ष योथ स्पिक फोरम सञ्चालन गर्दै छ । कोकाकोलाले आइसेकसँग २०१७ देखि सहकार्य गर्न थालेको हो ।

त्यसयता यसले एक्सन फर एसडिजि २०१७, योथ स्पिक फोरम २०१७, २०१९ र २०२१ लगायत अन्य कार्यक्रमहरु सञ्चालन गर्दै आएको छ । यस वर्ष वाइएसएफको मुख्य विषय युवा विकास र उनीहरूको चासोलाई सम्बोधन गर्नु रहेको छ । कोकाकोला नेपालले विगत पाँच वर्षदेखि युवा सशक्तिकरण र दिगो भविष्यको उद्देश्यसहित आइसेकसँग साझेदारी गर्दै आएको छ ।

वाइएसएफ इंगेज विथ आइसेकअन्तर्गतको एउटा कार्यक्रम हो । जसको मुख्य उद्देश्य युवा सशक्तिकरण रहेको छ । यस कार्यक्रमले विभिन्न क्रस सेक्टर र मल्टिजेनेरेसनल स्पेसका युवा नेताहरुलाई विश्वव्यापी मुद्दाहरूको बारेमा छलफल गर्न एकै ठाउँमा भेला हुने अवसर प्रदान गर्छ ।

सशक्तिकरण, सहभागिता र प्रतिबद्धता गरी तीन चरणमा सञ्चालन हुने यो कार्यक्रमले युवाहरुलाई बहस र छलफलका निष्कर्षलाई कसरी कार्यान्वयन गर्न सकिन्छ । र, त्यसमार्फत कसरी दिगो विकासका लक्ष्यहरु हासिल गर्नका निम्ति योगदान दिन सकिन्छ भन्ने विषयमा जोड दिन्छ ।

यस वर्षको युथ स्पिक फोरमको विषय “स्वच्छ भोलिका लागि दिगो फोहोर व्यवस्थापन” रहेको छ । वाइएसएफको तीनै चरणका कार्यक्रमहरु संयुक्त राष्ट्रसंघको सबैका लागि स्वच्छ खानेपानी र सरसफाइको उपलब्धताका साथै यसको दिगो व्यवस्थापन सुनिश्चित गर्ने एवम् दिगो उपभोग र उत्पादन प्रणाली सुनिश्चित गर्ने दुई मुख्य दिगो विकास लक्ष्यहरुमा केन्द्रित हुने छन् ।

कोकाकोलाको “संसारलाई रिफ्रेस गर्ने र हरेक किसिमबाट सकरात्मक परिवर्तन गर्ने” उद्देश्य र आइसेकको “मानवीय क्षमताको पूर्ण सदुपयोग र शान्ति” उद्देश्यसहित यसपालिको योथ स्पिक फोरम सञ्चालन हुँदै छ । जसले यिनीहरु दुवैलाई आफ्नो उद्देश्यको एक कदम नजिक ल्याएको छ ।