काठमाडौँ । नेपालले पहिलो टी २० खेलमा जिम्बावे ‘ए’लाई १८२ रनको लक्ष्य दिएको छ ।

कीर्तिपुरस्थित त्रिवि मैदानमा टस हारेर पहिलो ब्याटिङ गरेको नेपालले ५ विकेट गुमाएर १८१ रन बनाएको हो । जसमा आदिलले २७ बल खेल्दै ४ चौका र ३ छक्काको मद्दतमा ४७ रन बनाएका थिए ।

खेलमा कुशल भुर्तेलले ४६ रन बनाए भने रोहितकुमार पौडेलले ३६ र दीपेन्द्रसिंह ऐरीले २८ रन बनाएका थिए । करण केसी ४ रनमा अविजित रहे ।

बलिङमा जिम्बावेका ब्राड ईभानेस, लुक जोङ्गले, ब्रान्डन माभुता र जोन मासाराले एक–एक विकेट लिएका थिए ।