काठमाडौं । म्यानचेस्टर सिटीविरुद्ध उत्कृष्ट पुनरागमन जित निकाल्दै स्पेनिस क्लब रियल मड्रिड च्याम्पियन्स लिग फुटबलको फाइनलमा प्रवेश गरेको छ । गए राति भएको सेमिफाइनलको दोस्रो लेगमा सिटीलाई ३–१ गोल अन्तरले हराउँदै रियल उपाधि नजिक पुगेको हो ।

पहिलो लेगमा ४–३ ले पराजित भएको रियलले पुनरागमन जित निकाल्दै समग्रमा ६–५ ले विजयी भयो । खेलको ७३ औँ मिनेटमा रियाद महरेजले गोल गर्दै सिटीलाई अग्रता दिलाएका थिए । ९० औं मिनेटमा रोड्रिगोले गोल गर्दै रियललाई १–१ को बराबरीमा ल्याए ।

इन्जुरी समयको छैटौँ मिनेटमा रोड्रिगोले व्यक्तिगत दोस्रो गोल गर्दै रियललाई २–१ को अग्रता दिलाए । अब खेल समग्रमा ५–५ को स्थितिमा पुग्यो । त्यसपछि खेल अतिरिक्त समयमा गएको थियो । र, खेलको ९५ औँ मिनेटमा करिम बेन्जिमाले पेनाल्टीबाट गोल गर्दै ३–१ को जित दिलाएर रियललाई फाइनल पुर्‍याए ।