काठमाडौँ । धादिङको गजुरी गाउँपालिका ६ मिलनटारबाट करिब २० किलो अवैध लागू औषध अफिम जस्तो देखिने वस्तुसहित दुई जनालाई मंगलबार बिहान प्रहरीले पक्राउ गरेको छ ।

पक्राउ पर्नेमा गजुरी गाउँपालिका ८ बस्ने ३० वर्षीय केशव तामाङ र सोही ठाउँ बस्ने २६ वर्षीय थल बहादुर तमाङ रहेका छन् ।

किरानचोकबाट आदमघाटतर्फ आँउदै गरेको बा. ८५ प ३७७० नम्बरको मोटरसाइकललाई इलाका प्रहरी कार्यालय गजुरीबाट खटिएको प्रहरीले जाँच गर्ने क्रममा उक्त पदार्थसहित उनीहरूलाई पक्राउ गरेको हो ।