काठमाडौँ । उद्योग बाणिज्य तथा आपुर्ती मन्त्री दिलेन्द्रप्रसाद बडुको गृह जिल्ला दार्चुलाका सबै स्थानीय तहको प्रमुखमा कम्युनिस्ट पार्टीहरूले जितेका छन् । कांग्रेसका केन्द्रीय नेतासमेत रहेका बडुको गृह जिल्लामा कांग्रेसले कुनै स्थानीय तहको प्रमुख पदमा विजयी हुन नसकेको हो । यद्यपि, कांग्रेसले माओवादी केन्द्रसँग एकतासमेत गरेको थियो ।

कांग्रेससँग गठबन्धन गरेको माओवादीले भने आफ्ना भागमा परेका चार पालिका प्रमुख जितेको छ । माओवादीले प्रमुखमा चार र उपप्रमुखमा दुई गरी ६ उम्मेदवार उठाएको थियो ।

६ जनामा चार प्रमुख र एक उपप्रमुखमामा माओवादीले नेतृत्व लिइसकेको छ । ब्यास गाउँपालिकामा भने मत परिणाम सार्वजनिक भएको छैन । यहाँ उपाध्यक्षमा माओवादीका उम्मेदवार अगाडि छन् ।

कांग्रेसले प्रमुखका लागि पाएका पाँच वटै सिटमा हारेको छ । माओवादीका भोट कम हुनु, टिकट वितरणलाई लिएर असन्तुष्टि बढ्दा कांग्रेसले पराजय भोगेको छ । उपाध्यक्षका लागि पाएका चारमध्ये तीनमा भने कांग्रेस विजयी भएको छ । एक्लै चुनाव लडेको एमाले भने गत चुनावको भन्दा यसपटक बलियो देखियो ।

योपटक भने कांग्रेसका साथ पाएपछि माओवादीले थप तीन ठाउँमा जितेको छ। अपी हिमाल, मार्मा नौगाड र लेकम गाउँपालिका नेकपा माओवादीले विजयी भएको हो ।