काठमाडौँ । भरतपुर महानगरमा नेकपा एमालेका उम्मेदवार कमजोर बन्दै गएको छ । पछिल्लो मत परिणामअनुसार एमालेका उम्मेदवार विजय सुवेदीले २३ हजार ७४५ मत पाएका छन् ।

सुवेदीलाई पछि पार्दै सत्ता गठबन्धनका तर्फबाट नेकपा माओवादी केन्द्रकी उम्मेदवार रेनु दाहालले बलियो अवस्थामा पुगेकी छन् । उनले गणना भएको मतमध्ये २९ हजार ४७८ मत पाएकी छन् । उनी सुवेदीभन्दा ५ हजार ७३३ मतले अगाडि रहेकी छन् ।

यस्तै, नेपाली कांग्रेसबाट असन्तुष्टि जनाउँदै उम्मेदवारी दिएका जगन्नाथ पौडेलले १० हजार ३३४ मत पाएका छन् ।

उपमेयरमा नेपाली कांग्रेसका उम्मेदवार चित्रसेन अधिकारी अगाडि रहेका छन् । उनले ३१ हजार ८२४ मत पाएका छन् । उनको प्रतिद्वन्द्वी नेकपा एमालेकी हिमला गुरुङले हलो चिन्हमा १८ हजार ४०१ मत पाएकी छन् ।