काठमाडौँ । गत वैशाख ३० गते सम्पन्न स्थानीय तह निर्वाचनको मत परिणाम अन्तिम अवस्थामा पुगेको छ । ७५३ स्थानीय तहका लागि भएको निर्वाचनमा अब ५९ तहको मत परिणाम सार्वजनिक हुन बाँकी रहेको छ ।

एक महानगरसहित अधिकांश स्थानीय तहको अन्तिम मत परिणाम सार्वजनिक भएको अवस्थामा कांग्रेस ३१० स्थानमा जित्दै पहिलो दल बनेको छ । यस्तै, नेकपा एमाले १९० स्थान जित्दै दोस्रो र ११९ स्थान जित्दै नेकपा माओवादी केन्द्र तेस्रो अवस्थामा रहेको छ ।

काठमाडौँ महानगरसहित पाँच महानगरको मत गणना भइरहेको छ । यस्तै, ५४ पालिकाको अन्तिम परिणाम पनि आउन बाँकी छ ।

सार्वजनिक विवरणका आधारमा मत गणना हुन बाँकी पालिकाहरूमध्ये कांग्रेसले धेरै पालिका प्रमुखमा अग्रता लिइरहेको छ ।