चितवन । जिल्लाको भरतपुर महानगरमा झण्डै ९० हजार मत गणना सकिएको छ । जसमा नेकपा माओवादी केन्द्रकी मेयर उम्मेदवार रेनु दाहालले ७ हजारभन्दा बढी मतका साथ अगाडि रहेकी छन् ।

रेनुले ३५ हजार २३० मत पाउँदा नेकपा एमाले उम्मेदवार विजय सुवेदीले २७ हजार ७६५ मत पाएका छन् । उनीहरूबीचको मत अन्तर ७ हजार ४६५ पुगेको छ ।

स्वतन्त्र उम्मेदवारी दिएका जगन्नाथ पौडेलले ११ हजार ८५२ मत पाएका छन् ।

उपप्रमुख पदमा नेपाली कांग्रेसका चित्रसेन अधिकारी पनि फराकिलो मतान्तरले अगाडि छन् । उनले राप्रपाकी उपप्रमुख उम्मेदवार हिमला गुरुङलाई १५ हजारभन्दा बढी मत अन्तरले पछाडि पारेका छन् ।

अधिकारीले ३७ हजार ३२६ पाउँदा हिमलाले २१ हजार ९०० मत पाएका छन् ।