काठमाडौं । काठमाडौं महानगरको प्रमुख पदका स्वतन्त्र उम्मेदवार बालेन शाहले मतान्तर बढाउँदै गएका छन् । पछिल्लो मत गणनाअनुसार उनले प्रतिस्पर्धी उम्मेदवार नेपाली कांग्रेसकी सिर्जना श्रेष्ठसँग मतान्तर बढाउँदै गएका हुन् ।

निर्वाचन आयोगका अनुसार बालेनले ३९ हजार ५१५ मत पाएका छन् । उनको प्रतिस्पर्धी कांग्रेसकी सिर्जनाले २२ हजार २७० मत प्राप्त गरेकी छन् ।

मेयरमा कांग्रेस उम्मेदवार सिर्जनभन्दा बालेनले १७ हजार २४५ बढी मत ल्याएका छन् ।

एमाले उम्मेदवार स्थापित अहिले तेस्रो स्थानमा पुगेका छन् । स्थापितले हालसम्म २१ हजार ७७५ मत प्राप्त गरेका छन् । स्थापित यसअघि दुईपटक महानगरका मेयर भइसकेका छन् ।