रूपन्देही । जिल्लाको तिलोत्तमा नगरपालिकामा एक १२ वर्षीया बालिका बलात्कृत भएकी छन् । बलात्कारको आरोपमा प्रहरीले आइतबार साँझ बुटवलका ५९ वर्षीय एक पुरूषलाई पक्राउ गरेको छ ।

बालिकालाई बलात्कार गरेको स्थानीयले देखेपछि प्रहरीलाई खबर गरेका थिए । इलाका प्रहरी कार्यालय बुटवलका अनुसार बलात्कारको आरोपमा बुटवल उपमहानगर ११ रंगशाला बस्ने ५९ वर्षीय रुकनाथ ढकाल पक्राउ परेका छन् ।

उनलाई आइतबार साँझ घटना स्थलबाटै पक्राउ गरिएको र सोमबार अदालतबाट म्याद थप गरी अनुसन्धान अगाडि बढाइएको प्रहरीले जनाएको छ । ढकालले बालिकालाई मिठाई दिने प्रलोभन देखाएर पटकपटक बलात्कार गरेको स्वीकारेका छन् ।

बालिकालाई लुम्बिनी प्रादेशिक अस्पतालमा उपचार गरी अभिभावकको साथमा पठाइएको छ ।