काठमाडौं । नेपाल स्वास्थ्य अनुसन्धान परिषद्का एक कर्मचारी यौन दुर्व्यवहारको आरोप लागेपछि निलम्बनमा परेका छन् । परिषद्को तालिम अधिकृत विजयकुमार झालाई निलम्बन गरी कारबाही प्रक्रिया अगाडि बढाएको हो । इन्टर्नसिपमा आएकी एक युवतीलाई यौन दुर्व्यवहार गरेको आरोप लगाएकी थिईन् ।

परिषद्का कार्यकारी सदस्य सचिव डा. प्रदीप ज्ञवालीले यस बिषयमा छानबिन समिति गठन गरिएको बताए । उनका अनुसार झालाई निलम्बन गरेर कारबाही प्रक्रिया अगाडि बढाइएको छ ।

यसअघि २०७६ सालमा पनि महिला सहकर्मीमाथि दुर्व्यवहार गरेको फेला परेपछि झा दुई महिना निलम्बन निलम्बनमा परेका थिए ।