काठमाडौँ । पोखराबाट जोमसोम उडेको तारा एयर विमान सम्पर्कविहीन भएको छ । ९ एनएईटी ट्विनअटर विमान सम्पर्कविहीन भएको हो ।

१९ जना यात्रु लिएर आइतबार बिहान ९ बजेर ५५ मिनेटमा पोखराबाट उडेको जहाज सम्पर्कविहीन भएसँगै खोजबिन सुरु भएको छ । विमान अवतरण गर्ने समय भए पनि जहाज सम्पर्कमा आउन सकेको छैन ।

अहिले हेलिकोप्टर पठाउने तयारी भइरहेको छ । एउटा हेलिकोप्टर जोमसोममै भए पनि मौसम खराबीका कारण उड्न नसकेको बताइएको छ ।

अहिले यो रुटमा बादल लागिरहेको बताइएको छ । यसअघि बिहान समिट एयरको २ जहाज जोमसोम पुगिसकेको थियो ।