किभ । युक्रेनका राष्ट्रपति भोलोडिमिर जेलिन्स्किी र बेलायतका प्रधानमन्त्री बोरिस जोन्सनबीच फोनमा कुराकानी भएको छ । शनिबार उनीहरूले खासगरी युक्रेनको पछिल्लो अवस्था र यहाँका लागि आवश्यक रहेको प्रतिरक्षा सहयोगका बारेमा कुराकानी गरेको बताइएको छ । सो कुराको जानकारी युक्रेनका राष्ट्रपति जेलिन्स्कीले दिएका छन् । युक्रेनका राष्ट्रपति जेलिन्स्किीले सामाजिक सञ्जालमा लेखेका छन्, “हामीले युक्रेनका लागि आवश्यक प्रतिरक्षा सहयोगका बारेमा कुराकानी गर्‍यौँ र यो सहयोगलाई थप प्रवर्द्धन गर्नेबारेमा समझदारी भएको छ ।

संकटका बेलामा युक्रेनका लागि आवश्यक इन्धन आपूर्तिका विषयमा पनि कुराकानी भएको थियो । यसअघि, यसै महिनाको सुरुआतमा बेलायती प्रधानमन्त्री जोन्सनले युक्रेनका लागि एक अर्ब ६४ करोड अमेरिकी डलरबराबरको सैन्य सहयोग उपलब्ध गराउने घोषणा गरेका थिए । रासस/सिन्ह्वा