काठमाडौं। सरकारले ग्यास विस्थापनका लागि परल मूल्यमा बेच्ने घोषणा गरेको छ। खाना पकाउने ग्यासको विकल्पमा विद्युतीय प्रयोगलाई बढावा दिन परल मूल्य तोक्ने घोषणा गरिएको हो।

अर्थमन्त्री जनार्दन शर्माले आगामी आर्थिक वर्षको बजेटमार्फत यो घोषणा गरेका हुन्। विद्युतीय चुल्हो प्रयोगलाई बढावा दिन साउनभित्रै सिंहदरबारबाट ग्यास सिलिण्डर प्रयोग हटाइने घोषणा समेत बजेटमा गरिएको छ।

तीन वर्षभित्र महानगर र उपमहानगरबाट ग्यास विस्थापित गर्ने बजेटमा छ। अहिलेकै मूल्य तय भएमा ग्यासको भाउ २६७९ रुपैयाँ कायम हुनेछ। अहिले ग्यासमा आयल निगमले ८ सय ७९ रुपैयाँ अनुदान दिएर सिलिण्डरको १८ सय रुपैयाँमा बिक्री गरिरहेको छ।