काठमाडौं । नेपाल विद्युत प्राधिकरणको सेयर अव सर्वसधारणका लागि आउने भएको छ । सरकारले प्राधिकरणको सेयर जारी गर्ने भएको हो । आइतबार आगामी आर्थिक वर्ष २०७९/०८० को बजेट पेश गर्दै अर्थमन्त्री जर्नादन शर्माले यस्तो घोषणा गरेका हुन् ।

सरकारले प्रिमियम मूल्यमा सर्वसाधारणलाई समेत सेयर बिक्री गर्ने भएको हो। प्राधिकरणको क्रेडिट रेटिङ भइसकेको मन्त्री शर्माले उल्लेख गरेका छन्। इक्रा नेपालले प्राधिकरणको क्रेडिट रेटिङ गरेको हो।

प्राधिकरणको करपछिको नाफा कुल ८ अर्ब रुपैयाँ छ। प्राधिकरणले विद्युत बिक्रीबाट ७१ अर्ब रूपैयाँ र अन्यबाट १० अर्ब रूपैयाँ गरी कुल ८१ अर्ब रूपैयाँ आम्दानी छ। यसमा सरकारको पूर्ण लगानी छ।